«Ռոման» ջախջախեց «Լեչեին», Մխիթարյանը՝ գոլի և գոլային փոխանցման հեղինակ (VIDEO)

22:53   23 փետրվարի, 2020

Ա սերիայի 25-րդ տուրում «Ռոման» «Օլիմպիական» ստադիոնում ընդունեց «Լեչեին» և հաղթեց խոշոր՝ 4-0 հաշվով։

13-րդ րոպեին Հենրիխ Մխիթարյանի փոխանցումից հետո աչքի ընկավ Չենգիզ Ունդերը, 37-րդ րոպեին արդեն աչքի ընկավ Հենրիխ Մխիթարյանը՝ խփելով առաջնությունում իր 5-րդ գոլը։  69-րդ րոպեին Էդին Ջեկոյին հաջողվեց հաշիվը խոշոր դարձնել, իսկ 80-րդ րոպեին Ալեքսանդր Կոլարովը խփեց իր թիմի 4-րդ գոլը։ Նշենք, որ Մխիթարյանն ամբողջական խաղ անցկացրեց։

Այսպիսով, «Ռոման» վաստակեց 42 միավոր և մնաց 5-րդ տեղում, իսկ «Լեչեն» 25 միավորով 16-րդն է։



© ARMFOOTBALL.COM