Վենգերը` Ազարի մասին. «Եթե կես տոննա քաշով ձիուն ավելացնեք մի քանի կգ, նա կպարտվի մրցավազքը»

11:33   8 նոյեմբերի, 2019

«Արսենալի» նախկին գլխավոր մարզիչ Արսեն Վենգերը կարծիք է հայտնել Մադրիդի «Ռեալի» եզրային հարձակվող Էդեն Ազարի մասին:

«Կարծում եմ` նրա անհաջող մեկնարկի պատճառը ֆունկցիոնալ վատ վիճակն է: Նա շատ ծանր է: Եթե կես տոննա քաշով ձիուն ավելացնեք մի քանի կիլոգրամ, դա բավարար կլինի, որ նա պարտվի մրցավազքը:

Մենք դեռ չենք տեսել այն Ազարին, որին ծանոթ ենք Անգլիայից: Վնասվածքից հետո նա դեռ ֆիզիկապես չի վերականգնվել: Տպավորություն կա, որ նա չունի այն վստահությունը, որը կար «Չելսիում»»,- ֆրանսիացու խոսքերն է մեջբերում Goal.com-ը:



© ARMFOOTBALL.COM