Հայաստանի առաջնություն. 23-րդ տուր. «Գանձասար-Կապանն» ու «Շիրակը» չորոշեցին հաղթողին

Հայաստանի Բարձրագույն խմբի 23-րդ տուրում այսօր՝ ապրիլի 14-ին տեղի ունեցավ «Գանձասար-Կապան» - «Շիրակ» հանդիպումը։

Առաջին խաղակեսում գոլեր չգրանցվեցին, իսկ երկրորդում դաշտի տերերը կարողացան հանդիպման 53-րդ րոպեին Լուբամբո Մուսոնդայի օգնությամբ առաջ անցնել հաշվի մեջ, սակայն խաղի վերջնամասում՝ 90-րդ րոպեին Դմիտրի Յաշինը գրավեց սեփական դարպասն ու հավասարեցրեց հաշիվը։ Հանդիպումն ավարտվեց ոչ-ոքի՝ 1-1 հաշվով։

Այս խաղից հետո «Գանձասարը» վաստակեց 35 միավոր և զբաղեցնում է երրորդ հորիզոնականը, իսկ «Շիրակն» իր ակտիվում ունի 38 միավոր և առայժմ դառնում է միանձնյա առաջատար։ 

Հայաստանի Բարձրագույն խումբ՝ 23-րդ տուր․

«Գանձասար» - «Շիրակ»՝ 1-1

Գոլերը՝ Մուսոնդա՝ 53․ Յաշին՝ 90 (ինքնագ․)

ArmFootball.com