Որոնել
Արխիվ
30.11.2017  14:14

Գեղասահք. Մելանյա Ստեփանյան. «Թինայի եւ Սիմոնի առջեւ Փհենչհան մեկնելու հնարավորություն է բացվել»

 
Տալլինում (Էստոնիա) վերջերս անցկացվեց Tallinn Trophy 2017 գեղասահքի միջազգային մրցաշարը, որտեղ Հայաստանը ներկայացրեց ազգային հավաքականի անդամ Սլավիկ Հայրապետյանը եւ 23 մասնակիցների մեջ զբաղեցրեց ութերորդ տեղը:

ՀԱՕԿ լրատվականի հետ զրույցում Հայաստանի գեղասահքի ֆեդերացիայի նախագահ Մելանյա Ստեփանյանը հայտնեց, որ գոհ է արդյունքներից: Մրցաշարը վարկանիշային էր եւ բավականին ուժեղ կազմ էր հավաքել:

Հաջորդ շաբաթվա սկզբին Թինա Կարապետյան/Սիմոն Պրու Սենեկալ պարային երկյակը կմեկնի Խորվաթիայի մայրաքաղաք Զագրեբ, որտեղ դեկտեմբերի 6-ից 9-ը կանցկացվի Golden Spin of Zagreb միջազգային վարկանիշային մրցաշարը: Բոլոր այս մրցաշարերը մտնում են միջազգային ֆեդերացիայի (ISU) պաշտոնական օրացուցային պլանի մեջ:

«Անաստասիա Գալուստյանն այժմ Մոսկվայում է: Նա թեթեւ վնասվածք ունի եւ մարզվում է մեղմ ռեժիմով: Մոտակա երկու մրցումները նա բաց կթողնի: Նաստյան շարունակում է պահպանել 2018 թվականի ձմեռային օլիմպիական խաղերում առաջին պահեստայինի կարգավիճակը:

Թինան եւ Սիմոնը հնարավորություն ունեն մեկնելու Փհենչհան: Իսրայելը ներկայացնող պարային զույգը, որն օլիմպիական վարկանիշ էր նվաճել, մասնակցության հայտ դեռ չի ներկայացրել: Զինվենք համբերությամբ եւ սպասենք: Ինչպես ասում են, հույսը վերջինն է մեռնում»,-Մելանյա Ստեփանյանի խոսքերն է մեջբերում ՀԱՕԿ պաշտոնական կայքը:

ArmFootball.com


Soccerway.com

Հարցում
Ինչպե՞ս կավարտվի Ատլետիկո Մադրիդ - Յուվենտուս հանդիպումը
Ատլետիկոյի հաղթանակով
Յուվենտուսի հաղթանակով
Ոչ-ոքի
Բոլոր իրավունքները պաշտպանված են: © ArmFootball.com 2019
Մեջբերումներ անելիս հղումը «ArmFootball.com»-ին պարտադիր է:
Գովազդատուներին 055 516 000