Քրիս Սմոլլինգ. «Իմ բախտը բերել է, որ Մխիթարյանը թիմակիցս է, այլ ոչ թե մրցակիցս»

«Մանչեսթեր Յունայթեդի» պաշտպան Քրիս Սմոլլինգը գովեստի խոսքեր է շռայլել իր թիմակից Հենրիխ Մխիթարյանի հասցեին:

-Հիանալի է, որ մենք հարձակման համար նման հրաշալի հնարավորություններ ունենք: Հենրիխը հիանալի է գործում հարձակման գծում: Նա իրենից վտանգ է ներկայացնում, որից դժվար է պաշտպանվել: Նա շատ անկանխատեսելի է: Աշխարհում յուրաքանչյուր ֆուտբոլիստ գիտի, թե ով է Հենրիխ Մխիթարյանը:  

Բայց մի բան է իմանալ նրան, մեկ այլ բան` նրա հետ գործ ունենալ: Իմ բախտը բերել է, որ մենք թիմակիցներ ենք, այլ ոչ թե մրցակիցներ:

Նա հաճախ է խաղը մեկ քայլ առաջ տեսնում: Նա արագ է գործում, երբ գնդակով է, այլ ոչ թե առանց գնակ: Նման բան հազվադեպ է հանդիպում ֆուտբոլիստների մոտ,- Սմոլլինգի խոսքերն է մեջբերում Goal-ը:

ArmFootball.com