«Բազելը» դարձավ Չեմպիոնների լիգայի պատմության մեջ 5-րդ ակումբը, որը մեկ մրցաշրջանում հաղթել է «Բավարիային» և «Մանչեսթեր Յունայթեդին»

Ինչպես արդեն հայտնի է, այսօր կայացած Չեմպիոնների լիգայի 1/8 եզրափակչի առաջին խաղում «Բազելը» սեփական հարկի տակ 1:0 հաղթեց «Բավարիային»:

Այսպիսով շվեյցարացիները դարձան Չեմպիոնների լիգայի պատմության մեջ 5-րդ ակումբը, որը մեկ մրցաշրջանում հաղթել է «Բավարիային» և «Մանչեսթեր Յունայթեդին»: Մինչ այդ դա հաջողվել էր «Ռեալին» (1999/00), «Դեպորտիվոյին» (2002/2003), «Միլանին» (2006/2007) և «Բարսելոնային» (2008/09), հաղորդում է Infostrada գործակալությունը:

«Ռեալը», «Միլանը» և «Բարսելոնան» այդ մրցաշրջաններում դարձել են Չեմպիոնների լիգայի հաղթողներ:

ArmFootball.com