Չեմպիոնների լիգա. «Բազելը» հաղթեց «Բավարիային», «Մարսելը»` «Ինտերին» (VIDEO)

Ավարտվեցին Չեմպիոնների լիգայի 1/8-րդ եզրափակչի առաջին հանդիպումները: Խաղային վերջին օրը, ի տարբերություն նախորդ երեքի, շատ գոլեր չխփվեցին: Երկու խաղերում էլ որոշիչ եղան դաշտի տերերի վերջին րոպեներին խփված գնդակները:

Հերթական անակնկալը գրանցեց շվեյցարական «Բազելը»: Այս անգամ խմբային փուլի հայտնություն դարձած թիմի ֆուտբոլիստները սեփական հարկի տակ 1:0 հաշվով առավելության հասան «Բավարիայի» նկատմամբ: Միակ գնդակը խաղավարտից 4 րոպե առաջ խփեց Վալենտին Շտոկերը:

Իսկ «Մարսել» - «Ինտեր» խաղում հաղթական գնդակը խփվեց ավելի ուշ` մրցավարի կաղմից ավելացված վերջին րոպեին: Գանացի հարձակվող Անդրե Այուն գլխի հարվածով եզրափակեց անկյունայինից կատարած փոխանցումը, և պատասխան խաղին ֆրանսիացիները կմեկնեն մեկ գնդակի առավելությամբ:

Ավելացնենք, որ այս զույգերի պատասխան խաղերը կկայանան մարտի 13-ին:

► «Բազել» - «Բավարիա» 1:0

գոլը` Շտոկեր 86'

► «Մարսել» - «Ինտեր» 1:0

գոլը` Ա. Այու 90+3'

ArmFootball.com