Անդրե Վիլլաշ-Բոաշ. «Ի դեմս Ջոն Թերիի մենք շատ ուժեղ ֆուտբոլիստ կորցրեցինք»

Լոնդոնի «Չելսիի» գլխավոր մարզիչ Անդրե Վիլլաշ-Բոաշը հայտարարել է, որ թիմի ավագ Ջոն Թերիի կորուստը լրջորեն ազդել է «Չելսիի» պաշտպանության հուսալիության վրա:

- Հիանալի կլիներ, որ Թերին մեկ ամսից վերադառնար: Հիմա նրան վիրահատություն է սպասվում, որից հետո պարզ կլինի, թե որքան ժամանակ է հարկավոր վերականգման համար: Սովորաբար դա տևում է 6-ից 8 շաբաթ:

Կասկած չկա, որ ի դեմս Թերիի մենք կորցրեցինք շատ ուժեղ ֆուտբոլիստի: Դա ապացուցում են այն գոլերը, որոնք մենք ոչ վաղ անցյալում բաց ենք թողել: Երբ նա գտնվում էր խաղադաշտում այդպիսի գոլեր մեզ չէին խփում: Մենք լիովին վստահում ենք մեր ֆուտբոլիստին, բայց նրան ժամանակ պետք կգա, որպեսզի վերականգնի իր նախկին մարզավիճակը: Թիմը մարզումների ժամանակ պետք է քրտնաջան կերպով աշխատի. որպեսզի շտկի պաշտպանությունում առկա բացերը,- պորտուգալացու խոսքերն է մեջբերում Sky Sports-ը:

ArmFootball.com