Ձյուդո. Համաշխարհային աղյուսակում Գայանե Հարությունյանը առաջադիմել է 8 հորիզոնականով

Ձյուդոյի միջազգային ֆեդերացիան երեկ հրապարակեց դասակարգման հերթական ցուցակը: Դյուսելդորֆի «Գրան Պրիում» ունեցած հաջող ելույթների շնորհիվ 48կգ քաշային Գայանե Հարությունյանը առաջադիմեց 8 հորիզոնականով և այժմ 176 միավորով զբաղեցնում է 38-րդ տեղը:

Հայաստանը ներկայացնող 57կգ քաշային Ժաննա Ստանկևիչը 120 միավորով մեջ զբաղեցնում է 50-րդ հորիզոնականը:

Ավելի բարձր դիրքերում են Լոնդոնի օլիմպիական խաղերին մասնակցելու հավակնող 60կգ քաշային Հովհաննես Դավթյանն ու 66կգ քաշային Արմեն Նազարյանը, ովքեր զբաղեցնում են համապատասխանաբար 17-րդ և 16-րդ տեղերը:

Այժմ մեր առաջատար ձյուդոիստները փետրվարի 25-26-ը Պրահայում և Վարշավայում կմասնակցեն համապատասխանաբար տղամարդանց և կանանց աշխարհի գավաթի խաղարկության փուլի մրցաշարերին:

ArmFootball.com