«Ուլիսը» հրաժարվեց Սամուել Զոկուի ծառայություններից

Ինչպես ArmFootball.com-ի թղթակցին հայտնեց «Ուլիսի» գործադիր տնօրեն Գագիկ Գալստյանը, ակումբը հրաժարվել է իվուարցի 24-ամյա հարձակվող Սամուել Զոկուի ծառայություններից` խզելով նրա հետ պայմանագիրը:

«Ուլիսի» գլխավոր մարզիչ Սևադա Արզումանյանը գտնում է, որ Զոկուն դուրս է մնում թիմի կոլեկտիվ խաղից, ու նրա փոխարեն առավել արդյունավետ կլինի օգտագործել թիմի նորեկ՝ 16-ամյա հեռանկարային հարձակվող Օրբելի Համբարձումյանին, ով իրեն լավագույն կողմերով է դրսևորել Ուռեկիի ուսումնամարզական հավաքի ընթացքում:

Նշենք, որ անցած մրցաշրջանում Զոկուն մասնակցել էր 15 խաղի և դարձել 2 գոլի հեղինակ:

Ավելացնենք նաև, որ «Ուլիսի» հարձակման գիծը կուժեղացնի նաև «Գանձասարից» հարազատ կոլեկտիվ վերադարձած 37-ամյա Արթուր Քոչարյանը:

ArmFootball.com

• «Ուլիսն» առայժմ ձեռնպահ է մնում փոփոխություններից
  
• «Ուլիսում» առայժմ ոչ մի կադրային փոփոխություն չի կատարվի
  
• «Ուլիսը» առայժմ կտրուկ քայլեր չի ձեռնարկել
  
• Սևադա Արզումանյանը դժգոհ է Նռանյանի և Կրասովսկու մարզավիճակից
  
• Հայաստանի գավաթ. «Իմպուլս» - «Ուլիս» դիմակայության առաջին հանդիպումը կկայանա Ավանի ֆուտբոլի ակադեմիայում