«Ուլիսի» մարզչի օգնական. «Հայկական ակումբային ֆուտբոլը ամենևին չի զիջում վրացականին»

Ավանի Ֆուտբոլի ակադեմիայում կայացած «Գանձասար» - «Քինգ Դելյուքս» (3-1) հանդիպմանը ներկա էր նաև «Ուլիսի» գլխավոր մարզչի օգնական Արթուր Ասոյանը, ով ArmFootball.com-ի թղթակցի հետ զրույցում պատմեց Հայաստանի չեմպիոնների նախապատրաստական շրջանի մասին:

«Վրաստանում հավաքը անցավ շատ լավ, կարողացանք իրականացնել այն, ինչ նախատեսել էինք: Փառք Աստծո, որ վնասվածքներ չեղան: Նախատեսել էինք 4 հանդիպում, սակայն անցկացրին 5-ը: Եղանակային պայմաններն էլ նորմալ էին, ցուրտ էր, սակայն հնարավոր էր խաղ անցակցնել:

Թիմը դեռ նախապատրաստական շրջանը չի ավարտել, փետրվարի 26-ին մեկնում ենք Անթալիա, որից հետո նոր կարող ենք եզրակացություն կազմել թիմի ընդհանուր վիճակի մասին:

Վրաստանում անցկացրած հավաքից հետո ես կարող եմ ասել, որ հայկական ակումբային ֆուտբոլը ամենևին չի զիջում վրացականին, ես դեռ առավելությունը կտայի մեր ակումբներին: Նաև Վրաստանում շատ ցածր մակարդակի վրա է գտնվում մրցավարությունը»,- ասաց Ասոյանը:

ArmFootball.com

• «Ուլիսն» առայժմ ձեռնպահ է մնում փոփոխություններից
  
• Սևադա Արզումանյան. «Ուլիսի» վիճակն այնքան էլ անհույս չէ»
  
• «Ուլիսում» առայժմ ոչ մի կադրային փոփոխություն չի կատարվի
  
• «Ուլիսը» առայժմ կտրուկ քայլեր չի ձեռնարկել
  
• Սևադա Արզումանյանը դժգոհ է Նռանյանի և Կրասովսկու մարզավիճակից