Արմեն Սանամյան. «Ընդհանուր առմամբ գոհ եմ տղաների խաղից»

Աբովյանի «Քինգ Դելյուքսի» գլխավոր մարզիչ Արմեն Սանամյանը «Գանձասարի» հետ հանդիպումից հետո խոսեց լրագրողների հետ:

«Նախապատրաստական շրջանի մեր հիմնական խնդիրը ամուր կոլեկտիվ ստեծելն է, փորձում ենք ձևավորել թիմ, որը կկարողանա լուրջ հաջողություններ ունենա առաջին լիգայի մրցաշարում: Ինձ շատ դուր եկավ «Գանձասարը», շատ լավ թիմ էր: Ես լավ եմ ճանաչում գլխավոր մարզիչ Աբրահամ Խաշմանյանին: Երևում էր, որ նրանք լավ նախապատրաստական շրջան են անցել:

Այս խաղում արդյունք ակնկալելը մեր կողմից այդքան էլ ճիշտ չէր լինի: Ընդհանուր առմամբ գոհ եմ տղաների խաղից, որովհետև կատարեցին իրենց առջև դրված առաջադրանքը: Բացի այդ բացակայում էր Արա Հովհաննիսյանը, նա ոտքի վնասվածք ունի, սակայն 15-ից օրից արդեն կվերականգնվի», - Սանամյանի խոսքերն է փոխանցում ArmFootball.com-ի թղթակիցը:

ArmFootball.com