Աբրահամ Խաշմանյան. «Զրոյից թիմ ենք հավաքում»

Կապանի «Գանձասարի» գլխավոր մարզիչ Աբրահամ Խաշմանյանը «Քինգ Դելյուքսին» ստուգողական խաղում հաղթելուց հետո (3-1), կիսվեց իր տպավորություններով:

«Մրցաշրջանին պատրաստվում ենք ինչպես միշտ՝ մեծ ոգևորությամբ, արդեն 3-րդ հավաքն ենք անցկացնում ակադեմիայում: Պլանավորված աշխատանքները գնում են նորմալ հունով, ես գոհ եմ ամեն ինչից: Մենք օրական 2 ծանրաբեռնված մարզում ենք անցկացնում: Ստուգողական խաղերը շատ կարևոր են ֆուտբոլիստների ընտրության հարցում: Այսօրվա հանդիպումը ցուց տվեց, որ պետք է հրաժարվենք մեծ թվով ֆուտբոլիստներից:

Չեմպիոն դառնալու համար պետք է 3-ից 5 տարի հետևողական աշխատանքներ տանել: Սակայն այօր մենք փաստի առաջ ենք կանգնած, քանի որ անցած տարվա կազմից մնացել են ընդամենը 4 ֆուտբոլիստ: Փաստորեն մենք զրոյից թիմ ենք հավաքում: Լեգեոներները մշտապես թույլ են լինում, սակայն մենք ստիպված բերում ենք նրանց, որպեսզի կարողանանք մեր բաց տեղերը փակենք:

Այսօրվա խաղում հիմնականում պայքար էր, մրցակիցը բավականին լավ և երիտասարդ թիմ էր: Ճիշտն ասած` ես չէի կասկածում, որ լավ թիմ է լինելու, քանի որ մարզիչը Արմեն Սանամյանն է, ով լավագույն մասնագետներից մեկն է Հայաստանում»,- Խաշմանյանի խոսքերն է փոխանցում ArmFootball.com-ի թղթակիցը :

ArmFootball.com

• «Գանձասարը» նոր մարզչի ընտրության հարցում չի շտապում
  
• «Սպարտակի» նախկին գլխավոր մարզիչը կարող է գլխավորել «Գանձասարը»
  
• Աբրահամ Խաշմանյան. «Եթե ինձ մնա, ընդհանրապես կհրաժարվեմ լեգեոներներից»
  
• Աբրահամ Խաշմանյան. «Արսեն Բեգլարյանի քաղաքացիության հարցը շուտով լուծում կստանա»
  
• Աբրահամ Խաշմանյան. «Մենք պատրաստ էինք նման ծանր պայքարի»