Հենրիխ Մխիթարյան. «Ամենակարևորն այն է, որ գոլի հեղինակ դարձա»

Հայաստանի ազգային հավաքականի և Դոնեցկի «Շախտյորի» կիսապաշտպան Հենրիխ Մխիթարյանը Մախաչկալայի «Անժիի» դեմ տարած հաղթանակից (3:1) հետո, հարցազրույց է տվել թիմի պաշտոնական կայքին:

- Հենրի'խ, համաձա՞յն ես, որ սա «Շախտյորի» լավագույն հանդիպումն էր, այս ուսումնամարզական հավաքի ընթացքում:

- Եթե նայենք արդյունքին, ապա հաստատ լավագույն հանդիպումն էր: Մենք լավ էինք խաղում, բայց երկրորդ խաղակեսում խաղային նախաձեռնությունը զիջեցինք մրցակցին, մի փոքր հոգնածություն էր նկատվում մեր գործողություններում: Բայց արդեն հավաքների վերջին մասն է, մենք լավ աշխատեցինք ու կարողացանք վերջին խաղում հաղթանակ տոնել:

- Ըստ քեզ, այս հավաքը ինչո՞վ տարբերվեց նախորդ երկուսից:

- Գլխավորն այն է, որ Միստերը մեզ հետ է: Նա արդեն հստակորեն ցույց է տալիս մեր սխալները, ոգևորում է լավ խաղի դեպքում: Քանի որ հեռուստացույցով ու մարզադաշտում ֆուտբոլ դիտելը, տարբեր բաներ են: Նրա ներկայությունը, իհարկե թիմի վրա միայն դրականորեն է ազդում:

- Այս հանդիպումից հետո «Շախտյորը» պետք է կենտրոնանա «Դնեպրի» դեմ հանդիպման վրա՞:

- Այո: Երևի մինչ այդ մեկ ստուգողական հանդիպում էլ կանցկացնենք, իսկ հետո արդեն կտրամադրվենք այդ խաղին:

- Այսօր դու շատ գեղեցիկ գոլի հեղինակ դարձար, բայց չկարողացար երկու գոլային պահ օգտագործել:

- Ինձ դիպուկությունը չհերիքեց: Ամենակարևորն այն է, որ գոլի հեղինակ դարձա, քանի որ մինչ այդ դա էլ չէր ստացվում: Հուսով եմ սև գիծն արդեն անցյալում է մնացել:

ArmFootball.com

• «Շախտյորի» երկրպագուների կարծիքով 2011/12 մրցաշրջանի թիմի լավագույն ֆուտբոլիստը Հենրիխ Մխիթարյանն է
  
• "Спорт-Экспресс". Մխիթարյանը "Звезда" մրցույթում գրավեց 5-րդ տեղը
  
• Ուկրաինայի Սուպերգավաթի եզրափակիչը կկայանա դոնեցկյան թիմերի համար չեզոք մարզադաշտում
  
• «Команда». Հենրիխ Մխիթարյանը 2011/12 մրցաշրջանի Ուկրաինայի լավագույն 20 ֆուտբոլիստների թվում
  
• «Команда». Վիլլիանը Ուկրաինայի առաջնության մայիս ամսվա լավագույն ֆուտբոլիստ, Մխիթարյանը երրորդն է