Հունահռոմեական ըմբշամարտ. Լևոն Ջուլֆալակյանը հայտարարել է Հայաստանի հավաքականի կազմը

Հունահռոմենական ըմբշամարտի Հայաստանի հավաքականի գլխավոր մարզիչ, Օլիմպիական խաղերի չեմպիոն Լևոն Ջուլֆալակյանը փետրվարի 21-ին ներկայացրել է այն մարզիկների անունները, որոնք մասնակցելու են առաջիկա Եվրոպայի առաջնությանը:

Սերբիայի մայրաքաղաքում Հայաստանը կներկայացնեն 2008թ.-ի Օլիմպիական խաղերի բրոնզե մեդալակիր Ռոման Ամոյանը (55 կգ), Արթուր Մկրտչյանը (60 կգ), Արամ Ջուլֆալակյանը (66 կգ), Եվրոպայի չեմպիոն և աշխարհի առաջնության արծաթե մեդալակիր Արսեն Ջուլֆալակյանը (74 կգ), Հրաչ Հովհաննիսյանը (84 կգ), Արթուր Ալեքսանյանը (96 կգ) և Եվրոպայի բազմակի չեմպիոն գերծանր քաշային Յուրի Պատրիկեևը:

Հիշեցնենք, որ մայրցամաքի առաջնությունը կկայանա մարտի 6-11-ը` Բելգրադում:

ArmFootball.com