Թենիս. Անի Ամիրաղյանը կմեկնարկի Եգիպտոսում

Երեքշաբթի օրը եգիպտական Շարմ Էլ Շեյխ քաղաքում մեկնարկում է կանանց միջազգային մրցաշարը, որի մասնակիցների թվում է Հայաստանի կանանց թենիսի առաջատար, Անի Ամիրաղյանը:

18-ամյա թենիսիստուհու մենախաղի 1/16-րդ եզրափակչի մրցակիցը որակավորման փուլի արգելքը հաղթահարած ռումինուհի Ելենա-Թեոդորա Կադարն է: ՌԴ-ն ներկայացնող 15-ամյա հայուհի Մարիա Ցականյանի 1-ին մրցակիցը 23-ամյա գերմանուհի Յասմին Շտայնխերն է:

Զուգախաղում Ամիրաղյանը հանդես կգա 22-ամյա ուկրաինուհի Անաստասիա Խարչենկոյի, Ցականյանը՝ գերմաուհի Յարա Գադրիի ընկերակցությամբ:

ArmFootball.com