Սարկիսովի ջանքերը բավարար չեղան «Շիննիկին» «Ուրալին» հաղթելու համար

Կիպրոսում ավարտվեց ՖԱԼ-ի (Ռուսաստանի առաջին դիվիզիոն) գավաթի խաղարկությունը: Եզրափակչում միմյանց հանդիպեցին «Շիննիկը» և «Ուրալը»: Հայազգի ֆուտբոլիստ Նիկոլայ Սաֆրոնիդիի 11-րդ րոպեին խփած միակ գնդակը հաղթանակ պարգևեց եկատերինբուրգցիներին, որոնք էլ նվաճեցին գավաթը:

«Շիննիկի» կազմում ամբողջ հանդիպմանը մասնակցեց Հայաստանի հավաքականի հարձակվող Արթուր Սարկիսովը, ով իր թիմի կազմում լավագույններից էր խաղադաշտում: Մի քանի անգամ նրա հարվածից հետո հաջող խաղաց մրցակցի դարպասապահը, ևս մի քանի անգամ նրա փոխանցումներից չկարողացան օգտվել խաղընկերները:

Իսկ 65-րդ րոպեին սեփական տուգանային հրապարակում Արթուրին վայր գցելու համար երկրորդ դեղին քարտը ստացավ Դենիս Թումասյանը և հեռացվեց խաղադաշտից (առաջին անգամ նա ևս զգուշացվել էր Սարկիսովի դեմ կոպիտ խաղի համար), իսկ «Ուրալը» պատժվեց 11 մետրանոց հարվածով: Սակայն Յարոսլավցիների հարձակվող Արխիպովը չկարողացավ անվրեպ իրացնել այն:

Ավելացնենք, որ Սաֆրոնդին վնասվածքի պատճառով փոխարինվեց 55-րդ րոպեին:

ArmFootball.com

• Բորիս Գավրիլով. «Սարկիսովը, ինչպես և «Շիննիկի» մյուս ֆուտբոլիստները կայուն ելույթ չունեցավ»
  
• Սարկիսովի «Շիննիկը» անցումային առաջին խաղում խոշոր հաշվով պարտություն կրեց
  
• «Շիննիկի» կիսապաշտպանը ետ է մղել 11 մետրանոց հարվածը
  
• Սարկիսովը չի մասնակցել «Մորդովիայի» դեմ խաղին
  
• Սարկիսովի «Շիննիկը» իր առաջին անցումային խաղը կանցկացնի մայիսի 18-ին` ժամը 18:00-ին