Հրաձգություն. Նորայր Բախտամյան. «Լրջորեն եմ պատրաստվելու Լոնդոնի Օլիմպիադային»

Հրաձիգ Նորայր Բախտամյանը, ով օրերս Ֆինլանդիայում կայացած Եվրոպայի առաջնության ժամանակ զբաղեցրել է 6-րդ տեղը, ՀԱՕԿ-ի պաշտոնական կայքին տված հարցազրույցում հայտարարել է, որ լրջորեն է պատրաստվելու Լոնդոնի օլիմպիական խաղերին:

«Ապրիլից հաջորդաբար Անգլիայում, Մյունխենում և Միլանում հենդես կգամ աշխարհի գավաթի խաղարկության փուլերում, հետո ուսումնամարզական հավաքի կմասնակցեմ ու դրանից հետո կմեկնեմ օլիմպիական խաղերի: Լրջորեն եմ պատրաստվելու Լոնդոնի Օլիմպիադային: Մարզչիս` Սեյրան Նիկողոսյանի հետ մշակել ենք աշխատանքային անհատական ծրագիր»,- հայտնել է Բախտամյանը:

Հիշեցնենք, որ Բախտամյանն արդեն նվաճել է Լոնդոնի խաղերի ուղեգիրը, և սա կլինի նրա երրորդ մասնակցությունը օլիմպիական խաղերին:

ArmFootball.com