Անգլիայի գավաթ. «Լիվերպուլը» քառորդ եզրափակչում է, իսկ «Տոտենհեմին» դեռ վերախաղարկում է սպասում

Կայացան Անգլիայի գավաթի 5-րդ փուլի, կամ 1/8-րդ եզրափակչի հանդիպումները: Լոնդոնի «Տոտենհեմը» հյուրընկալվելիս չկարողացավ կոտրել Առաջին լիգան ներկայացնող «Սթիվենէյջտի» դիմադրությունը, որի արդյունքում զույգի հաղթողը կորոշվի «խթանների» հարկի տակ կայանալիք խաղում:

Մյուս խաղում «Լիվերպուլը» 6:1 հաշվով ավարտեց հանդիպումը Չեմպիոն լիգան ներկայացնող «Բրայթոնի» հետ: Քենի Դալգլիշի թիմից գոլերի հեղինակներ դարձան Մարտին Շկրտելը, Էնդի Քերոլը և Լուիս Սուարեսը, իսկ մնացած 3 գնդակները ինքնագոլեր էին:

Անգլիայի գավաթի 1/4-րդ եզրափակչի վիճակահանության արդյունքում թիմերը բաժանվել են հետևյալ զույգերի՝

«Էվերթոն» - «Սանդերլենդ»

«Սթիվենէյջտ»/«Տոտենհեմ» - «Բոլթոն»

«Չելսի»/«Բիրմինգեմ» - «Լեսթեր»

«Լիվերպուլ» - «Սթոք Սիթի»:

Քառորդ եզրափակիչ հանդիպումները կկայանան մարտի 16-ից 19-ը ընկած ժամանակահատվածում:

ArmFootball.com