«Իմպուլսը» պարտվեց չինական «Չանգչուն Յաթային»

Ինչպես ArmFootball.com-ի թղթակցին հայտնեցին «Իմպուլսի» մամլո ծառայությունից, շաբաթ օրը Դիլիջանի «Իմպուլսը» իր առաջին ստուգողական հանդիպումը անցկացրեց Չինաստանի բարձրագույն խմբի առաջնությունում 7-րդ տեղը զբաղեցրած «Չանգչուն Յաթայի» հետ և պարտվեց խոշոր՝ 1:4 հաշվով:

, Չնայած 1-ին խաղակեսում տարածքային առավելությունը «Իմպուլսի» կողմն է եղել, սակայն մրցակիցը վտանգավոր հակագրոհների շնորհիվ կարողացել է երկու անգամ գրավել «Իմպուլսի» դարպասը: 2-րդ կեսը նույնպես շատ ակտիվ են սկսել «Իմպուլսի» ֆուտբոլիստները և 66-րդ րոպեին Կոնստանտին Մանդրիչենկոն կարողացել է կրճատել հաշվի տարբերությունը՝ 1:2:

Սակայն դրանից հետո «Իմպուլսի» գլխավոր մարզիչը մի շարք փոփոխություններ է կատարել և խաղադաշտ է դուրս բերել նորեկներին: Խաղավերջում մրցակիցը ևս երկու անգամ գրավել է «Իմպուլսի» դարպասը, որոնցից մեկը 11մետրանոց հարվածով:

Հիշեցնենք, որ երեկ չինական նույն ակումբին 2:3 հաշվով զիջել էր նաև Հայաստանի փոխչեմպիոն «Փյունիկը»:

ArmFootball.com

• Գյոզալյանն ու Հայրապետյանը դեռ լիովին չեն վերականգնվել վնասվածքից
  
• Հայաստանի գավաթ. «Իմպուլսը» հաղթահարեց չեմպիոնի արգելքը և դուրս եկավ եզրափակիչ
  
• «Արարատը» ստուգողական խաղում հաղթել է «Իմպուլսին»
  
• «Իմպուլսը» ստուգողական խաղ կանցկացնի «Արարատի» հետ
  
• Հայաստանի գավաթ. «Իմպուլս» - «Ուլիս» դիմակայության առաջին հանդիպումը կկայանա Ավանի ֆուտբոլի ակադեմիայում