«Միկայի» առաջին մրցակիցը Կիպրոսում կլինի «Սլավյանսկի» թիմը

Երևանի «Միկան» փետրվարի 17-ից ուսումնամարզական հավաք է անցկացնում Կիպրոսում: Ինչպես ArmFootball.com-ի թղթակցին Կիպրոս մեկնելուց առաջ տեղեկացրեց «Միկայի» մամուլի քարտուղար Աշոտ Մարտիրոսյանը, թիմը հավաքի է մեկնել 21 ֆուտբոլիստներով, բացակայում է միայն վնասվածք ստացած 23-ամայ հարձակվող Սեմյոն Մուրադյանը:

Հավաքին մասնակցում է նաև թիմի նախկին գլխավոր մարզիչ Արմեն Ադամյանի որդին, «Կրասնոդարի» երիտասարդական թիմի կիսապաշտպան 19-ամյա Արթուր Ադամյանը:

Մարտիրոսյանը հայտնեց նաև, որ շաբաթ օրը՝ փետրվարի 18-ին Այանապայում նախատեսվող առաջին ստուգողական խաղում «Միկայի» մրցակիցը կլինի ոչ թե Ռուսաստանի 2-րդ դիվիզիոնի մասնակից «Տյումենը», այլ նույն դիվիզիոնի առաջնության հարավային գոտու մրցաշարում 5-րդ տեղում ընթացող Սլավյասնկ քաղաքի «Սլավյանսկի» թիմը:

Հիշեցնենք, որ «Միկան» մյուս ստուգողական խաղերում փետրվարի 21-ին կմրցի սերբական «Սլոբոդանի», իսկփետրավի 25-ին և 28-ին էլ Իվանովոյի «Տեքստիլշիկի» և «Ուֆայի» հետ:

ArmFootball.com

• «Միկայի» պաշտպանը կոտրել է քիթը
  
• Ալեքսի մասնակցությունը «Ուլիսի» դեմ խաղում հարցականի տակ է
  
• Ալեքսը կմասնակցի «Շիրակի» հետ հանդիպմանը
  
• Ալեքսը չի մասնակցի «Արարատի» դեմ հանդիպմանը
  
• Բոտի Դեմելը հնարավոր է կարիերան շարունակի «Միկայում»