«Գանձասարը» կխաղա «Քինգ Դելյուքսի» և «Արարատի» դեմ

Կապանի «Գանձասարը» փետրվարի 16-ից ուսումնամարզական հավաք է անցկացնում Ավանի ֆուտբոլի ակադեմիայում, որը կտևի մինչև փետրվարի 28-ը:

Ինչպես ArmFootball.com-ի թղթակցին հայտնեց թիմի գլխավոր մարզիչ Աբրահամ Խաշմանյանը, հավաքին մասնակցում է 24 ֆուտբոլիստ, որոնց թվում են փորձարկվող մի քանի լեգեներները, ինչպես նաև ՀՀ ազգային հավաքականի նախկին հարձակվող Արա Հակոբյանը:

Մարզիչը տեղեկացրեց, որ մի փոքր ավելի ուշ հավաքին կմիանան նաև բելառուս լեգեոներներ՝ Սերգեյ Ցվետինսկին և Ստաինսլավ Գնեդկոն, որոնք թիմում փորձաշրջան են անցնում հունվարից: Նրանք Դագոմիսի հավաքից հետո խնդրել էին կարճ ժամանակով մեկնել Մինսկ՝ Բելառուսում իրենց հարցերը կարգավորելու նպատակով:

Խաշամանյանը հայտնեց նաև, որ այս հավաքի ընթացքում նախատեսվում է 2 ստուգողական հանդիպում անցկացնել՝ փետրվարի 21-ին՝ Աբովյանի «Կինգ Դելյուքսի», իսկ ամսի 28-ին՝ «Արարատի» հետ: «Գանձասարն» իր եզրափակիչ ուսումնամարզական հավաքը կանցկացնի Անթալիայում, որին կմասնակցեն 22 ֆուտբոլիստ:

ArmFootball.com

• «Գանձասարը» նոր մարզչի ընտրության հարցում չի շտապում
  
• «Սպարտակի» նախկին գլխավոր մարզիչը կարող է գլխավորել «Գանձասարը»
  
• Աբրահամ Խաշմանյան. «Գանձասարի» հիմնական կազմում ոչ ոք երաշխավորված տեղ չունի»
  
• «Գանձասարը» 11 լեգեոներ է հայտավորել
  
• «Գանձասարը» պարտվել է Թուրքմենստանի չեմպիոնին