Լեհական ոչ մի մարզադաշտ դեռ պատրաստ չէ Եվրո-2012-ին

«Եվրո-2012 Լեհաստանի» կազմկոմիտեի տնօրեն Ադամ Օլկովիչը հայտարարել է, որ լեհական մարզադաշտերից ոչ մեկն առայժմ պատրաստ չէ հյուրընկալել Եվրոպայի առաջնությունը:

«Լեհական մարզադաշտերը, որտեղ պետք է կայանան Եվրոպայի առաջնության հանդիպումները, չեն համապատասխանում ՈւԵՖԱ-ի չափանիշներին: Առաջիկայում բոլոր մարզադաշտերը կունենան անհրաժեշտ ենթակառուցվածք: Սակայն ՈւԵՖԱ-ի կարծիքով` դեռ ոչ մի մարզադաշտ պատրաստ չի Եվրո-2012-ին», - Օլկովիչի խոսքերն է մեջբերում ukraine2012-ը:

Կազմկոմիտեի նախագահը նաև նշել է, որ մարզադաշտերի նախապատրաստումը պետք է ավարտվի մինչև ապրիլի վերջը, քանի որ մայիսի 9-ից դրանց ղեկավարման իրավունքը փոխանցվում է ՈւԵՖԱ-ին:

Իսկ լեհական ոստիկանությունը, սահմանապահները և անվտանգության այլ ծառայությունները նախապատրաստական աշխատանքները պետք է ավարտեն մայիսի 15-ից ոչ ուշ:

ArmFootball.com