Ալեքս Ֆերգյուսոն. «Հասանք դրական արդյունքի` ցույց չտալով մեր լավագույն խաղը»

Անգլիական «Մանչեսթեր Յունայթեդի» գլխավոր մարզիչ Ալեքս Ֆերգյուսոնը մեկնաբանել է Եվրոպայի Լիգայի 1/16-րդ եզրափակչի «Այաքսի» հետ կայացած առաջին հանդիպումը, որում «կարմիր սատանաները» արտագնա հաղթանակի հասան 2:0 հաշվով:

«Սա սովորական հանդիպում էր: Բայց ասեմ, որ այնքան էլ լավ չխաղացինք, անընդհատ կորցնում էինք տեմպը: Առաջին կեսում ընդհանրապես բացակայում էր թիմային շարժումը, սակայն 2-րդում ամեն ինչ փոխվեց:

Գոհ եմ վերջնական արդյունքից: Մենք դրական արդյունքի հասանք` ցույց չտալով լավագույն խաղը: 2-րդ խփած գնդակը հաջորդ փուլ դուրս գալու լավ հնարավորություններ է տալիս»,- Ֆերգյուսոնի խոսքերն է փոխանցում BBC-ին:

ArmFootball.com