Հայաստանի մինչև 17 տարեկանների հավաքականում 3 լեգեոներ կփորձարկվի

Ինչպես ArmFootball.com-ի թղթակցին հայտնեց Հայաստանի մինչև 17 տարեկանների հավաքականի գլխավոր մարզիչ Ռոման Սիմոնյանը այս օրերին Ավանի ֆուտբոլի ակադեմիայում անցկացվող ուսումնամարզական հավաքին մասնակցում են արտերկրից հրավիրված երեք լեգեոներներ` պաշտպան Դավիթ Մալխասյանը՝ Մարսելի «Օլիմպիկից», Իսպանական «Սևիլիայի» մարզադպրոցի սան, կիսապաշտպան Ֆուրման Մելքոնյանը ու մոսկվայի «Լոկոմոտիվի» մարզադպրոցի սան, դարպասապահ Անատոլի Այվազովը:

Մարզչի խոսքերով հետագա հավաքների ժամանակ ևս արտերկրում հանդես եկող պատանի հայ ֆուտբոլիստները կփորձարկվեն ու նրանցից լավագույնները կընդգրկվեն հավաքականում: Նշենք, որ այս անգամ հավաքին «Փյունիկ» և «Բանանց» ակումբները ներկայացրել են 9-ական ֆուտբոլիստ:

Հավելենք նաև, որ այս հավաքի ընթացքում հավաքականը 2 ընկերական հանդիպում կանցկացնի. հինգշաբթի օրը` ժամը 13:00-ին՝ «Միկա-2»-ի, իսկ փետրվարի 18-ին ժամը՝ 12:00-ին «Փյունիկ-2»-ի հետ:

ArmFootball.com