Շախմատ. Էլինա Դանիելյան. «Տեղում պետք է կադրեր աճեցնել, և ոչ թե դրսից հրավիրել»

ArmFootball.com-ի թղթակիցը կանանց ՀՀ հավաքականի առաջատար Էլինա Դանիելյանին խնդրել է իր տեսակետը հայտնել հայտնի հայ շախմատիստուհի Էլմիրա Սկրիպչենկո-Աղաբաբյանին ՀՀ ընտրանի հրավիրելու հարցի շուրջ.

«Հարցազրույցը հետաքրքրիր էր, և իհարկե ողջունելի է, որ չեք մոռանում արտերկրում բնակվող հայազգի շախմատիստներին: Որքան տեղյակ եմ, վերջին շրջանում Էլմիրան այնքան էլ ակտիվ չի մասնակցում մրցաշարարերին:

Ինչ վերաբերում է արտերկրից հրավիրված հայ շախմատիստներով մարզաձևը զարգացնելուն, ապա դա ճիշտ չեմ համարում: Մենք տեղում պետք է մեր դպրոցն ունենանք ու այստեղ աճեցնենք մեր փոխարինող կադրերին: Կարծում եմ` այսպիսի ուղին ավելի հեռանկարային է»,- նշել է ճանաչված շախմատիստուհին:

Հիշեցնենք, որ Սկրիպչենկո-Աղաբաբյանը մեր կայքին տված հարցազրույցում նշել էր, որ եթե նրան Հայաստանի հավաքականում հանդես գալու առաջարկ արվի, ապա նա կմտածի դրա շուրջ:

ArmFootball.com