Արմեն Տիգրանյան. «Տրամադրված ենք գավաթը նվաճելուն»

Գյումրիի «Շիրակի» կիսապաշտպան Արմեն Տիգրանյանը ակումբի պաշտոնական կայքի հետ զրույցում պատմել է, թե ինչպես է թիմը նախապատրաստվում գալիք մրցաշրջանին:

«Գավաթը նվաճելու խնդիր մենք ունեինք նաև նախորդ մրցաշրջանում և շատ մոտ էինք հասնելու դրան, սակայն մի քանի պատճառներ կային, որ չստացվեց: Այժմ մեր առջև կրկին դրված է այդպիսի խնդիր և բացի գավաթից առաջնությունում պետք է տեղ գրավենք առաջին եռյակում:

Եվ քանի որ վերջերս պարզ դարձավ, որ Հայաստանի գավաթի եզրափակիչն անցկացվելու է Գյումրիում, ապա մենք ուղղակի պարտավոր ենք առավելության հասնել «Միկայի» հանդեպ կիսաեզրափակիչում, իսկ արդեն եզրափակիչում, ինչպես ասում են, տանը պատերն էլ են օգնում»,- նշել է Տիգրանյանը:

Հիշեցնենք, որ Հայաստանի գավաթի կիսաեզրափակիչները, որոնցում կհանդիպեն «Իմպուլս» - «Ուլիս», «Շիրակ» - «Միկա» զույգերը, կկայանան մարտի 17-18-ին և ապրիլի 14-15-ին 

ArmFootball.com

• Հրաժեշտի խաղ` ի պատիվ «Շիրակի» վետերանների
  
• Հայաստանի առաջնություն. 4-րդ տուր. «Բանանցը» ջախջախել է «Շիրակին»
  
• Դամ Դիոպի դուբլը «Շիրակին» դուրս բերեց Հայաստանի գավաթի եզրափակիչ
  
• «Շիրակը» ստուգողական խաղում ջախջախել է «Բանանցին»
  
• Դիդյե Բորիսը պայմնագիր կնքեց Գյումրիի «Շիրակի» հետ