Շախմատ. Փաշիկյանն ու Կուրսովան` Իրանում ընթացող մրցաշարի առաջատարներ

Իրանի Մաշադ քաղաքում զուգահեռաբար ընթանում է տղամարդկանց և կանանց միջազգային մրցաշարեր, որտեղ հաջող են հանդես գալիս Հայաստանի ներկայացուցիչները:

Տղամարդկանց մրցաշարում, որը կրում է «Ferdowsi Open» անվանումը, 2009թ.-ի Հայաստանի չեմպիոն գրոսմայստեր Արման Փաշիկյանը 5 անընդմեջ հաղթանակ է տոնել և նույնպիսի արդյունք ունեցող իրանցի գրոսմայստեր Մորտեզա Մահջուբի հետ բաժանում է 1-2-րդ տեղերը:

ՀՀ ներկայացնող գրոսմայստեր Լևոն Բաբուջյանը իր ակտիվում 4 միավոր է գրանցել և առայժմ ընթանում է 5-րդ տեղում: 6-րդ տուրում Փաշիկյանը կհանդիպի Մահջուբի, իսկ Բաբուջյանը՝ Համիդ Դեղանիի հետ:

Կանանց մրցաշարում վստահ է հանդես գալիս 2012թ.-ի Հայաստանի կանանց չեմպիոնուհի, գրոսմայստեր Մարիա Կուրսովան՝ Արման Փաշիկյանի կինը: Նա 4 տուրից հետո վաստակել է 3,5 միավոր ու 4 այլ մասնակիցների հետ բաժանում է 1-5-րդ տեղերը: 5-րդ տուրում Մարիայի մրցակիցը իրանցի միջազգային վարպետ Սարասադատ Խադեմալշարիեհն է:

Ավելացնենք, որ այս մրցաշարերի հաղթողները հայտնի կդառնան փետրվարի 20-ին:

ArmFootball.com

• Շախմատ. Արման Փաշիկյանը Ֆիրդուսիի հուշամրցաշարի հաղթող
  
• Շախմատ. Արման Փաշիկյանը պահպանում է առաջատարի դիրքերը Իրանի մրցաշարում
  
• Շախմատ. Արման Փաշիկյանը հանդես կգա Իրանում կայանալիք միջազգային մրցաշարում