Շախմատ. Լևոն Արոնյանն ու Գաբրիել Սարգսյանը գրոսմայստերական դպրոց են հիմնել

Շախմատի օլիմպիադայի կրկնակի չեմպիոններ Լևոն Արոնյանն ու Գաբրիել Սարգսյանը` Հայաստանի շախմատային ֆեդերացիայի հովանավորությամբ, շախմատային նոր կենտրոն են հիմնադրել Երևանում: Դպրոցում կընդգրկվեն 10-18 տարեկան խոստումնալից պատանի շախմատիստները` աշխարհի ու Եվրոպայի պատանիների ու աղջիկների առաջնությունների հաղթողներն ու Հայաստանի պատանեկան առաջնությունների ոսկե և արծաթե մեդալակիրները:

Երկշաբաթյա մարզումները կանցկացվեն տարին 2-3 անգամ` անհտական մոտեցմամբ: Լևոն Արոնյանի և Գաբրիել Սարգսյանի հետ վարպետությունը պատանիներին կփոխանցեն նաև այլ փորձառու մասնագետներ:

Ավելացնենք, որ վերջերս Երևանում մի խումբ հայ գրոսմայստերների նախաձեռնությամբ բացվել էր շախմատային մեկ այլ դպրոց, որտեղ վճարովի դասընթացներ են կազմակերպվելու դպրոցահասակ երեխաների համար: Այստեղ դասընթացները կվարեն հայտնի գրոսմայստերներ Տիգրան Նալբանդյանը, Տիգրան Լ. Պետրոսյանը, Զավեն Անդրիսայանը, Էլինա Դանիելյանը:

ArmFootball.com