Միքայել Բալլակը չի խաղա «Բարսելոնայի» դեմ

Լևերկուզենի «Բայերի» կիսապաշտպան Միքայել Բալլակը բաց կթողնի Չեմպիոնների լիգայի 1/8-րդ եզրափակչի «Բարսելոնայի» դեմ առաջին հանդիպումը:

Կիրակնօրյա մարզման ժամանակ Բալլակը վնասել է ոտքի մկանը և ստիպված է եղել մարզումը ժամանակից շուտ ավարտել: Առայժմ 35-ամյա ֆուտբոլիստի վերականգնման ժամկետը չի նշվում, սակայն հայտնի է, որ «Բարսելոնայի» դեմ խաղը նա բաց կթողնի, հաղորդում է ակումբի պաշտոնական կայքը:

Ավելացնենք, որ այս մրցաշրջանում Բալլակը մասնակցել է Գերմանիայի առաջնության 14 հանդիպման, որոնցում դարձել է 2 գոլի հեղինակ:

ArmFootball.com