07.02.2012 15:06

Տոտին և դի Նատալեն կարող են մասնակցել Եվրո-2012-ին

Իտալիայի ազգային հավաքականի գլխավոր մարզիչ Չեզարե Պրանդելին մտածում է վետերաններ՝ Ֆրանչեսկո Տոտիին և Անտոնիո դի Նատալեին հավաքական վերադարձնելու մասին:

Բանն այն է, որ հավաքականի հարձակվողներ՝ Ջուզեպե Ռոսսին և Անտոնիո Կասանոն, առողջական խնդիրներ ունեն և հնարավոր է, որ չկարողանան մասնակցել Եվրոպայի առաջնության եզրափակիչ փուլին:

«Մենք կսպասենք մինչև վերջին պահը և մեր բժշկական անձնակազմի հետ քննարկելուց հետո նոր վերջնական որոշում կկայացնենք:

Ֆրանչեսկոն և Անտոնիոն մեր հիմնական թեկնածուներն են, մնում է սպասել մրցաշրջանի ավարտին, որպեսզի հասկանանք թե ինչ մարզավիճակում են գտնվում նրանք»,- Պրանդելիի խոսքերն է փոխանցում Sky Sports-ը:

Հավելենք, որ «Ռոմայի» ավագն այժմ 35 տարեկան է, իսկ «Ուդինեզեի» ավագը` 34:

ArmFootball.com

Տպել

Տես նաև՝