Շախմատ. Gibraltar Masters. Մովսիսյանը բաժանում է երկրորդ հորիզոնականը

Ջիբրալթարում շարունակվող ամենամյա խոշոր շախմատային փառատոնի Masters մրցաշարի 7-րդ տուրում Սերգեյ Մովսիսյանը սևերով հաղթեց արգենտինացի Ռուբեն Ֆելգաերին: Վերջապես հաղթանակ տարավ նաև Գաբրիել Սարգսյանը, ով սպիտակներով առավելության հասավ իսպանացի Ռուբեն Մորալեսի նկատմամբ: Վարուժան Հակոբյանը սևերով ոչ-ոքի խաղաց արաբ շախմատիստ Սալեմ Սալեհի հետ:

Այս տուրից հետո Մովսիսյանը ևս 10 շախմատիստների հետ 5,5 միավորով բաժանում է երկրորդ հորիզոնականը: Հակոբյանը 5 միավորով բաժանում է 12-28-րդ, իսկ Սարգսյանը` 4,5 միավորով` 23-62-րդ տեղերը: Միանձնյա առաջատարը 6 միավոր վաստակած անգլիացի Մայքլ Ադամսն է:

8-րդ տուրում սպիտակներով խաղացող Մովսիսյանի մրցակիցը կլինի հնդիկ գրոսմայստեր Գոպալը, Հակոբյանինը` բրազիլիացի Ֆելիպեն: Գաբրիել Սարգսյանը սևերով կմրցի վրացուհի Լելա Ջավախաշվիլու հետ:

Նշենք, որ մրցաշարի ավարտին մնացել է 3 տուր:

ArmFootball.com

• Շախմատ. Gibraltar Masters. Մովսիսյանն ու Սարգսյանը բաժանեցին 7-րդ հորիզոնականը
  
• Շախմատ. Gibraltar Masters. Մովսիսյանն ու Հակոբյանը հավակնում են մրցանակային տեղերի
  
• Շախմատ. Gibraltar Masters. Մովսիսյանը նորից մոտեցավ առաջատարներին
  
• Շախմատ. Gibraltar Masters. Մովսիսյանը պարտվեց վրաց շախմատիստուհուն
  
• Շախմատ. Gibraltar Masters. Սերգեյ Մովսիսյանը միացավ առաջատարներին