Շիրակի նախագահ. «Առաջին խնդիրը գավաթը նվաճելն է»

Շաբաթ օրը կայացած մամլո-ասուլիսի ժամանակ Գյումրիի «Շիրակի» նախագահ Արման Սահակյանը հայտարարել է, որ իր թիմի առաջնային խնդիրը Հայաստանի գավաթը նվաճելն է:

«Առաջին խնդիրը գավաթում հաղթելն է: "Բանանցի" արգելքը հաղթահարելուց հետո հաջորդ տարի հանդես կգանք կիսաեզրափակիչում: Համոզված եղեք, որ մեր խաղացողները ուրախ են մրցել "Միկայի" հետ, քանի որ ռևանշի խնդիր կա: Մենք վերադառնում ենք Գյումրի, իսկ սեփական հարկի տակ հանդես գալը մեծ նշանակություն ունի մեզ համար և առաջնությունում էլ մեր ակնկալիքներն այլ կլինեն»,- Սահակյանի խոսքերն է փոխանցում ArmFootball.com-ի թղթակից Արամ Ուգուջյանը:

Հիշեցնենք, որ 2011թ.-ի գավաթի խաղարկությունում «Շիրակը» հասավ մինչև եզրափակիչ, որտեղ 1:4 հաշվով զիջեց «Միկային»:

ArmFootball.com

• Հրաժեշտի խաղ` ի պատիվ «Շիրակի» վետերանների
  
• Հայաստանի առաջնություն. 4-րդ տուր. «Բանանցը» ջախջախել է «Շիրակին»
  
• Դամ Դիոպի դուբլը «Շիրակին» դուրս բերեց Հայաստանի գավաթի եզրափակիչ
  
• «Շիրակը» ստուգողական խաղում ջախջախել է «Բանանցին»
  
• Դիդյե Բորիսը պայմնագիր կնքեց Գյումրիի «Շիրակի» հետ