Յոզեֆ Բուբենկոն հրաժարական տվեց

Ինչպես ArmFootball.com-ի թղթակցին հայտնեց «Միկայի» մամուլի քարտուղար Աշոտ Մարտիրոսյանը, ՀՀ 6-ակի գավաթակրի գլխավոր մարզիչ, սլովակ մասնագետ Յոզեֆ Բուբենկոն հրաժարական է տվել: Վերջինս չի երկրարաձգել ակումբի հետ կնքած պայամնագիրը, որի ժամկետն ավարտվում էր դեկտեմբերի 1-ին և ընտանեկան խնդիրների պատճառով վերադարձել է հայրենիք:

Սա թիմի հիմնադրման օրվանից արդեն թվով 18-րդ գլխավոր մարզչի փոփոխությունը կլինի: Հիշեցնենք, որ միայն այս մրցաշրջանում գլխավոր մարզչի պաշտոնում Արմեն Շահգելդյանին կարճ ժամանակով փոխարինեց Էդուարդ Մարգարովը, ապա Յոզեֆ Բուբենկոն:

Ի դեպ, Բուբենկոյի օգնական ու հայրենակից Զոլտ Հոռնյակը դեռ մնացել է թիմում և չի բացառվում, որ շարունակի աշխատանքը ակումբում: Մարտիրոսյանի խոսքերով ակումբի ղեկավարությունը գլխավոր մարզչի հարցի քննարկմանը կանդրադառնա թիմի արձակուրդից վերադառնալուց հետո, մինչև հունվարի 9-ը:

Լուրեր են շրջանառվում, որ թիմ կարող է վերադառնալ «Միկայի» նախկին գլխավոր մարզիչ Արմեն Ադամյանը, ով ներկայումս ՌԴ-ի 2-րդ դիվիզիոնում հանդես եկող Ուլյանովսկի «Վոլգայի» գլխավոր մարզիչն է: Մարտիրոսյանը, չբացառելով որևէ տարբերակ նշեց, որ այս առումով կոնկրետ դեռ ոչինչ չկա, և հայտնեց նաև, որ «Վոլգայի» հետ կնքած Արմեն Ադամյանի պայմանագիրը ավարտվում է 6 ամիս հետո:

ArmFootball.com

• Ժոլտ Հորնյակ. «Հաջողությունն այս անգամ երես էր թեքել մեզանից»
  
• Ժոլտ Հորնյակ. «Եթե մրցաշրջանի սկզբում ոչ-ոքի խաղայինք «Փյունիկի» հետ, ապա լավ արդյունք կլիներ»
  
• Ժոլտ Հորնյակ. «Երկրորդ կեսում լրիվ ուրիշ թիմ դուրս եկավ ասպարեզ»
  
• «Միկայի» պաշտպանը կոտրել է քիթը
  
• Ժոլտ Հորնյակ. «Խաղային կարգապահության, աշխատասիրության, նվիրվածության շնորհիվ կարողանում ենք գերազանցել փորձառուներին»