2014թ.-ի ԱԱ. մեր մրցակիցները. Դանիան հաղթեց Ֆինլանդիային, Իտալիան պարտվեց Ուրուգվային (VIDEO)

Երեքշաբթի օրը կայացան մի շարք ընկերական հանդիպումներ` աշխարհի 2014թ.-ի ընտրական փուլի Հայաստանի հավաքականի մրցակիցների մասնակցությամբ:

Դանիայի հավաքականը սեփական հարկի տակ Նիկլաս Բենդտների և Դանիել Ագգերի խփած գնդակների շնորհիվ 2:0 հաշվով առավելության հասավ Ֆինլանդիայի հավաքականի նկատմամբ:

Իտալացիները սեփական հարկի տակ ընդունեցին Ուրուգվային և պարտություն կրեցին 0:1 հաշվով: Միակ գնդակը հյուրերը խփեցին 3-րդ րոպեին: Գոլի հեղինակ դարձավ Սեբաստիան Ֆերնանդեսը: Ընդ որում 82-րդ րոպեին հյուրերը մնացին 10 հոգով. դաշտից հեռացվեց ուրուգվայցի կիսապաշտպան Ալվարո Պերեյրան:

Հիշեցնենք, որ մեր հավաքականի հետ ընտրական նույն խմբում են ընդգրկված Իտալիայի, Դանիայի, Չեխիայի, Բուլղարիայի և Մալթայի հավաքականները:

ArmFootball.com