Ռոման Բերեզովսկի. «Երևի պետք էր ձեռքերը իջեցնել, կամ ընդհանրապես տուգանային հրապարակից դուրս չգալ»

Հայաստանի հավաքականի և մերձմոսկովյան «Խիմկիի» դարպասապահ Ռոման Բերեզովսկին sports.ru կայքին տված հարցազրույցում ևս մեկ անգամ անդրադարձել է Իռլանդիա-Հայաստան խաղի ժամանակ իր ստացած կարմիր քարտին:

«Մտքումս բազմաթիվ անգամներ վերլուծել եմ հեռացման պահը: Ոմանք ասում են, որ Իռլանդիային օգնում էին անցած շրջափուլի Ֆրանսիայի հետ խաղի սխալների պատճառով: Ես այդպես չեմ կարծում: Այդ պահը շատ արագ ստացվեց. գնդակը կպավ կրծքիս, բայց ես ձեռքերս վեր էի բարձրացրել: Չնայած դրանով ուզում էի հարձակվողին վախեցնել:

Այժմ մտածում եմ, որ երևի պետք է իջեցնեի ձեռքերս, կամ պարզապես տուգանային հրապարակից դուրս չգայի: Ինձ մինչև խաղը և ակումբում, և հավաքականում ասում էին, որ ինձնից շատ բան է կախված լինելու, պետք է փրկեմ թիմին: Դա տպավորվել էր մեջս, այդ պատճառով առաջ վազեցի: Կարող է պետք էր պարզապես իմ ոճով խաղալ. մնալ դարպասային գծի վրա, կամ նույնիսկ գծից ետ (ծիծաղում է): Սակայն կատարվածն արդեն չես փոխի»,- աել է Բերեզովսկին:

Հիշեցնենք, որ Հայաստանի հավաքականը, պարտվելով Իռլանդիային 1:2 հաշվով, դուրս մնաց հետագա պայքարից:

ArmFootball.com

• Ռոման Բերեզովսկին բացակայում է Ռուսաստանի գավաթի եզրափակչի հայտացուցակից
  
• Ռոման Բերեզովսկի. «Իմ կարիերան շարունակելու հիմնական շարժառիթը Հայաստանի հավաքականի երկրպագուների աջակցությունն է»
  
• ՀՖՖ նախագահ. «Հուսով եմ` Բերեզովսկին շուտով կխաղա հիմնական կազմում»
  
• «Դինամոյի» նախկին դարպասապահ. «Բերեզովսկու ժամանակն անցել է»
  
• Բերեզովսկու «Դինամոն» չկարողացավ հաղթել «Ռուբինին»