Եվրո-2012-ի ընտրական փուլ. փլեյ-օֆֆ. Հայաստանի հավաքականի նախկին մրցակիցը ջախջախեց Էստոնիային (VIDEO)

Ուրբաթ օրը կայացան Եվրո-2012-ի ընտրական փուլի անցումային խաղերի առաջին հանդիպումները: Իռլանդիայի հավաքականը, որը ոչ առանց մրցավարների օգնության կարողացավ հաղթանակ տանել Հայաստանի հավաքականի նկատմամբ և խմբում առաջ անցնել մեր ընտրանուց, հյուրընկալվելիս առավելության հասավ Էստոնիայի հավաքականի նկատմամբ:

Ջովաննի Տրապատոնիի սաները հաղթանակ տարան խոշոր` 4:0 հաշվով: Ընդ որում, էստոնացիները խաղն ավարտեցին 9 ֆուտբոլիստենրով: Հյուրերից գոլերի հեղինակներ դարձան Քեյթ Էնդրյուսը (13), Ջոնաթան Ուոլթերսը (67) և Ռոբի Քինը (72, 88-11մ):

Մյուս հանդիպումներում գրանցվեցին հետևյալ արդյունքները.

Չեխիա-Մոնտենեգրո 2:0

Գոլերը` Պիլարժ, 63; Սիվոկ, 90+2

Թուրքիա-Խորվաթիա 0:3

Գոլերը` Օլիչ, 3; Մանջուկիչ, 32; Չոռլուկա, 51

Բոսնիա և Հերցոգովինա-Պորտուգալիա 0:0

Պատասխան հանդիպումները տեղի կունենան նոյեմբերի 15-ին:

ArmFootball.com