«Զենիթի» նախկին կիսապաշտպան Վլադիսլավ Ռադիմովը «Спорт день за днем» լրատվականին տված հարցազրույցում կիսվել է Չեմպիոնների լիգայի խմբային փուլի «Զենիթ»-«Շախտյոր» խաղի վերաբերյալ իր կարծիքով` Հայաստանի հավաքականի կիսապաշտպան Հենրիխ Մխիթարյանին անվանելով բարձրակարգ ֆուտբոլիստ:
«Չեմ կարծում, որ Ժադսոնի և Ֆերնանդինյոյի կորուստը, ովքեր 90 տոկոսով չեն խաղա «Զենիթի» դեմ, մեծ խնդիր կլինի Լուչեսկուի համար: Այնտեղ լավ ֆուտբոլիստներ են խաղում, օրինակ` Մխիթարյանը, որ շատ բարձրակարգ խաղացող է»,- Ռադիմովի խոսքերն է մեջբերում sportsdaily.ru կայքը:
Հիշեցնենք, որ «Զենիթ»-«Շախտյոր» հանդիպումը կկայանա նոյեմբերի 1-ին: Խաղն ուղիղ եթերով կցուցադրվի Շողակաթ, НТВ և НТВ+ հեռուստաալիքներով:
ArmFootball.com