31.10.2011 00:37

Հենրիխ Մխիթարյան. «Պայքարելու ենք մինչև վերջին րոպեն»

Հայաստանի հավաքականի և Դոնեցկի «Շախտյորի» կիսապաշտպան Հենրիխ Մխիթարյանը թիմի պաշտոնական կայքին տված հարցազրույցում խոսել է նոյեմբերի1-ին Սանկտ-Պետերբուգում կայանալիք «Զենիթ»- «Շախտյոր» հանդիպումից:

- Հենրիխ, անհաջողությունների շարքից հետո երկու անընդմեջ հաղթանակաները ազդե՞լ են թիմի հոգեբանական վիճակի վրա:

- Ոչ մի անհաջողությունների շարք էլ չի եղել: Երկու անհաջող հանդիպում անցկացրինք, բայց հիմա ամեն ինչ նորմալ է: Սկզբում հաղթանակ տարանք Կիևի «Դինամոյի» նկատմամբ շատ կարևոր գավաթային խաղում, այնուհետև առավելության հասանք «Ալեքսանդրիայի» նկատմամբ: Այն հատկապես կարևոր էր այն առումով, որ մրցակիցը մի թիմ էր, որը չի թողնում խաղալ հակառակորդին:

- «Զենիթը» «Դոնբաս Արենայում» զարմացրեց ձեզ: Հիմա ա՞յլ տրամադվածությամբ եք ուղևորվում «Պետրովսկի» մարզադաշտ:

- Այո, միանգամայն ուրիշ: Եվ պայքարելու ենք մինչև վերջին րոպեն:

- Ի՞նչով զարմացրեց «Զենիթը» առաջին խաղում:

- Նրանք լավ են գործում հակագրոհելիս, պաշտպանությունից արագ են անցնում հարձակման: Դրա շնորհիվ նրանք Դոնեցկում կարողացան ոչ-ոքի անել: Սակայն խմբում իրավիճակն այնպիսին է, որ գուշակություններ չես կարող անել. մենք կարող ենք հայտնվել առաջին տեղում, իսկ ԱՊՈԵԼ-ը` վերջին:

- Ի՞նչ տրամադրությամբ եք մեկնում այս կարևոր հանդիպմանը:

- Տրամադրությունը մարտական է, կանենք ամեն ինչ հաղթելու համար: Այս հանդիպումը շատ կարևոր է մեզ համար: Քիչ խաղեր են մնացել, և ամեն ինչ պետք է անել հնարավորինս շատ միավորներ վաստակելու համար:

ArmFootball.com

Տպել | На русском

Տես նաև՝

Հարցում

Հավանու՞մ եք Հայաստանի հավաքականի նոր մարզաշապիկը

Արդյունքները | Այլ հարցում

Ամենաընթերցվածը

ամիս

շաբաթ

օր

Ֆորումի քննարկումները