Որոնել
Արխիվ
14.01.2020  13:59

Գաել Անդոնյանը մարզվում է Ֆրանսիայում լուրջ նպատակներ ունեցող հայկական թիմում

Հայաստանի հավաքականի թեկնածու Գաել Անդոնյանն «Այաչոյից» հեռանալուց հետո կարող է կարիերան շարունակել «Մարտիկ» թիմում: 24-ամյա ֆուտբոլիստը մարզվում է Ֆրանսիայի չորրորդ դիվիզիոնը ներկայացնող հայկական այդ թիմում, տեղեկացնում է lamarseillaise.fr-ն:

«Մարտիկը» ֆինանսավորում է ստացել Երևանի «Արարատի» համասեփականատեր Վարդան Սրմաքեշից: Ակումբը 600 հազար եվրո պարտք է ունեցել, սակայն արդեն մի մասը մարել է: Այդ մասին պատմել է ակումբի նախագահ Արմեն Ներսիսյանը:

Չորրորդ դիվիզիոնի D ենթախմբում 16 տուրերից հետո «Մարտիկն» ընթանում է հինգերորդ տեղում, սակայն ընդամենը 3 միավորով է զիջում առաջատարին: Ակումբի առջև խնդիր է դրված բարձրանալ երրորդ դիվիզիոն, այնուհետև մեկ տարի անց` երկրորդ:

Այժմ գրեթե 100-ամյա պատմություն ունեցող ակումբը դիտարկում է թիմի կազմը համալրելու հնարավորություններ:

ArmFootball.com



Soccerway.com

Հարցում
Քվեարկել են (0)  |  Այլ հարցում
Ամենաընթերցվածը

ամիս

շաբաթ

օր

Բոլոր իրավունքները պաշտպանված են: © ArmFootball.com 2020
Մեջբերումներ անելիս հղումը «ArmFootball.com»-ին պարտադիր է:
Գովազդատուներին 055 516 000