Որոնել
Արխիվ
09.09.2019  12:42

Եվրո-2020. Հայրապետյանը դարձավ առաջատար, Բարսեղյանը հավասարվեց Մբապեին ու Էրիկսենին

Եվրո-2020-ի ընտրական փուլի 6-րդ տուրում Հայաստանի հավաքականը 4:2 հաշվով առավելության հասավ Բոսնիայի և Հերցեգովինայի ընտրանու նկատմամբ: Խաղի հերոսներից մեկը դարձավ Արամ Հայրապետյանը, ով 7 սեյվ կատարեց:

ՈւԵՖԱ-ի պաշտոնական կայքը հայտնում է, որ ընտրական փուլում կատարած 32 սեյվերի քանակով «Ուրարտուի» ֆուտբոլիստը դարձավ առաջատար: Նույնքան սեյվ են կատարել նաև Հենրի Բոնելոն (Մալթա) և Էլիա Բենդետինին (Սան-Մարինո): Միջինը մեկ խաղում Հայրապետյանը 5,3 սեյվ է կատարում:

Հայաստանի հավաքականի եզրային հարձակվող Տիգրան Բարսեղյանը բոսնիացիների դեմ խաղի մեկնարկում գոլային փոխանցում կատարեց Հենրիխ Մխիթարյանին: Ընտրական փուլում դա 25-ամյա ֆուտբոլիստի 3-րդ գոլային փոխանցումն էր:

 Այդ ցուցանիշով նա բարձրացավ երրորդ հորիզոնական, որը կիսում է Կիլիան Մբապեի (Ֆրանսիա), Կրիստիան Էրիկսենի (Դանիա) և Դրիս Մերտենսի (Բելգիա) հետ: Առաջատարը 5 գոլային փոխանցում կատարած Մեմֆիս Դեպայն է, ում հաջորդում է Անտուան Գրիզմանը: Ֆրանսիացին 4 «ասսիստ» է գրանցել:  

ArmFootball.com


Soccerway.com

Հարցում
Քվեարկել են (0)  |  Այլ հարցում
Ամենաընթերցվածը

ամիս

շաբաթ

օր

Բոլոր իրավունքները պաշտպանված են: © ArmFootball.com 2019
Մեջբերումներ անելիս հղումը «ArmFootball.com»-ին պարտադիր է:
Գովազդատուներին 055 516 000