Որոնել
Արխիվ
25.08.2019  12:20

Էմերի. «Մխիթարյանը և մյուս փոխարինումները լավ ազդեցին խաղի վրա»

«Արսենալի» գլխավոր մարզիչ Ունաի Էմերին մեկնաբանել է Պրեմյեր լիգայի երրորդ տուրում «Լիվերպուլից» կրած արտագնա պարտությունը (1:3):

«Հիասթափված եմ արդյունքից: Ինչ-որ պահի լավ ֆուտբոլ էինք ցուցադրում: Առաջին կեսում լավ խաղացինք, կազմակերպված էինք պաշտպանվում ու հակագրոհում: Գոլային 3-4 պահ ունեինք, որոնք առաջացան Պեպեի ու Օբամեյանգի արագությունն օգտագործելու շնորհիվ:

Իհարկե, մենք կցանկանայիք գնդակին ավելի շատ տիրել, սակայն մրցակիցը հզոր ճնշում էր գործադրում` օգտագործելով իր վինգերներին: «Լիվերպուլի» համեմատ կրճատել ենք նախորդ մրցաշրջանի որակական տարբերությունը, սակայն այսօրվա դրությամբ դա դեռ բավական չէ:

Փոխարինման մտած Մխիթարյանը, Տորեյրան ու Լակազետը լավ ազդեցին խաղի վրա: Զգալի առաջ քայլ է կատարել Ուիլոկը, իսկ Պեպեն ու Գենդուզին հաջող հանդիպում անցկացրեցին»,- բասկի խոսքերն է մեջբերում լոնդոնյան ակումբի պաշտոնական կայքը:

ArmFootball.com


Soccerway.com

Հարցում
Քվեարկել են (0)  |  Այլ հարցում
Բոլոր իրավունքները պաշտպանված են: © ArmFootball.com 2019
Մեջբերումներ անելիս հղումը «ArmFootball.com»-ին պարտադիր է:
Գովազդատուներին 055 516 000