Որոնել
Արխիվ
10.08.2019  12:53

«Հոֆֆենհայմում» Սարգիս Ադամյանի պաշտոնական նորամուտը հետաձգվում է

Հայաստանի հավաքականի հարձակվող Սարգիս Ադամյանը վնասվածքի պատճառով չի մասնակցելու Գերմանիայի գավաթի 1/32 եզրափակչին: Այսօր նրա թիմը` «Հոֆֆենհայմը» հյուրընկալվելու է «Վյորցբուրգեր Կիկերսին», որը ներկայացնում է երրորդ Բունդեսլիգան: Խաղից առաջ Զինսհայմ քաղաքի թիմի գլխավոր մարզիչ Ալֆրեդ Շրյոդերը խոսել է թիմի կադրային վիճակի մասին:

«Սարգիս Ադամյանը և Լեոնարո Բիտենկուրը բացակայում են: Ցավոք, զգացնել է տալիս Անդրեյ Կրամարիչի բացակայությունը: Նա մեր լավագույն ֆուտբոլիստն է: Նրա ծունկը լավանում է, բայց դեռ չգիտենք կկարողանա՞ մասնակցել Բունդեսլիգայի առաջին տուրի «Այնտրախտի» դեմ խաղին, թե՞ ոչ:

Կոնստանիտինոս Սալֆիլիդսն սկսել է մարզվել, իսկ Կևին Ֆոգտն արդեն լավ մարզավիճակում է»,- մարզչի խոսքերն է մեջբերում գերմանական ակումբի պաշտոնական կայքը:

Հիշեցնենք, որ Ադամյանը վերջին անգամ խաղադաշտ է դուրս եկել հուլիսի 25-ին կայացած «Տրաբզոնսփորի» դեմ ընկերական խաղում (3:3):

ArmFootball.com



Soccerway.com

Հարցում
Քվեարկել են (0)  |  Այլ հարցում
Ամենաընթերցվածը

ամիս

շաբաթ

օր

Բոլոր իրավունքները պաշտպանված են: © ArmFootball.com 2019
Մեջբերումներ անելիս հղումը «ArmFootball.com»-ին պարտադիր է:
Գովազդատուներին 055 516 000