Որոնել
Արխիվ
22.04.2019  16:28

ՍԿԱՆԴԱԼ. «Բանանցը» հրաժարվեց կիսաեզրափակիչ խաղից, Չելոյանցը թիմին հանեց խաղադաշտից

Հայաստանի գավաթի կիսաեզրափակչի «Լոռի» – «Բանանց» խաղը չսկսվեց: Երբ թիմերը խաղադաշտ դուրս եկան, երևանյան թիմի սեփականտեր Ջևան Չելոյանցը բարձրախոսով հայտնեց, որ խաղը չի կայանալու և իր թիմին տարավ հանդերձարան:

ArmFootball.com-ը Հայաստանի ֆուտբոլի ֆեդերացիայից տեղեկացավ, որ բողոքի պատճառը հանդիպման մրցավար Գևորգ Եղոյանին նշանակելն է:

Հիշեցնենք, որ Բարձրագույն խմբի 24-րդ տուրի «Բանանց» – «Փյունիկ» հանդիպումից հետո «Բանանցը» ՀՖՖ-ին 9 կետից բաղկացած բողոք էր ներկայացրել Եղոյանի գործողությունների վերաբերյալ, որոնցից միայն երկուսի մասով էր բողոքը հիմնավոր համարվել:

Այսպիսով, «Բանանցին» տեխնիկական պարտություն է գրանցվելու (0:3): Առաջին հանդիպումն ավարտվել էր 0:0 հաշվով: «Լոռին» մտավ եզրափակիչ:

ArmFootball.com



Soccerway.com

Հարցում
Քվեարկել են (0)  |  Այլ հարցում
Բոլոր իրավունքները պաշտպանված են: © ArmFootball.com 2019
Մեջբերումներ անելիս հղումը «ArmFootball.com»-ին պարտադիր է:
Գովազդատուներին 055 516 000