Որոնել
Արխիվ
12.04.2019  02:04

Վիգեն Խաչատրյան. «Մեր ծանրորդների մրցելույթները գնահատում եմ գերազանց»

Ծանրամարտի տղամարդկանց Հայաստանի հավաքականի երկրորդ մարզիչ Վիգեն Խաչատրյանը լրագրողների հետ զրույցում ամփոփեց հայ ծանրորդների հաջող ելույթները Վրաստանի Բաթումի քաղաքում շարունակվող ծանրամարտի Եվրոպայի առաջնության 89 կգ քաշային կարգում:

«Այսօր մեր ծանրորդներն արեցին առավելագույնը, քան կարող էին, քանի որ Անդրանիկ Կարապետյանի ձախողումից հետո նրանք ավելի զայրացած մոտեցան ծանրաձողին: Մեր մարզիկները ցույց տվեցին իրենց բարձր կարգը: Լավ մարզումներին հաջորդեցին հաջող մրցելույթները՝ հատկապես Դավիթ Հովհաննիսյանի մոտ: Դավիթը գրանցեց նոր արդյունքներ, իսկ հրում վարժությունում Հակոբ Մկրտչյանի գրանցած 207 կգ-ն գերազանց էր: Մեր ծանրորդների մրցելույթները գնահատում եմ գերազանց»,- Մարզչի խոսքերն է մեջբերում ՀԱՕԿ մամուլի ծառայությունը:

Հիշեցնենք, որ Հակոբ Մկրտչյանը երկամարտում գրանցել է 371 կգ արդյունք՝ դառնալով Եվրոպայի չեմպիոն։

Նույն քաշային կարգում Դավիթ Հովհաննիսյանը երկամարտի 360 կգ արդյունքով դարձել է բրոնզե մեդալակիր։


ArmFootball.com


Soccerway.com

Հարցում
Քվեարկել են (0)  |  Այլ հարցում
Բոլոր իրավունքները պաշտպանված են: © ArmFootball.com 2019
Մեջբերումներ անելիս հղումը «ArmFootball.com»-ին պարտադիր է:
Գովազդատուներին 055 516 000