Որոնել
Արխիվ
10.01.2019  18:57

Ի՞նչ է հարկավոր Վաղարշապատի ակադեմիան տնօրինելու համար. ՀՖՖ-ն մրցույթ է հայտարարել

Հայաստանի ֆուտբոլի ֆեդերացիան ծրագրային մրցույթ է հայտարարել, որի հաղթողին է տրվելու Վաղարշապատի ֆուտբոլի ակադեմիան տնօրինելու հնարավորությունը:

«Հայաստանի ֆուտբոլի ֆեդերացիայի կողմից հայտարարված մրցույթի մասնակիցների կողմից ներկայացվելիք ներդրումային ծրագրերը, ի թիվս ֆինանսական միջոցների ներդրման և առկա ենթակառուցվածքների հետագա զարգացման դրույթների, պետք է ներառեն մարզական հետևյալ նվազագույն բաղադրիչները.

-2019 թվականի աշնանային հատվածից սկսած՝ ակադեմիայում պետք է մարզվեն 400-450 երեխաներ և պատանիներ:

-2019-2020 թթ. մրցաշրջանից սկսած՝ Հայաստանի ֆուտբոլի ֆեդերացիայի հովանու ներքո անցկացվող մանկապատանեկան առաջնություններում  պետք է հանդես գան ակադեմիայի առնվազն 7 թիմեր:

-2019-2020 թթ. մրցաշրջանից սկսած՝ ներդրումային ծրագրի բաց մրցույթի հաղթողը պետք է ներկայացված լինի Հայաստանի Առաջին խմբի առաջնությունում:

Մասնակիցների կողմից ներկայացվելիք ներդրումային ծրագրերը պետք է արտացոլեն մասնակիցների ֆինանսական կայունությունը և ակադեմիայի հետագա զարգացման շրջանակներում կատարվելիք ներդրումների հեռանկարները: Ներկայացվելիք ծրագրերը, ի թիվս այլ հիմնարար դրույթների, պետք է ներառեն նաև մասնակիցների և նրանց կողմից կատարվող ներդրումների նպատակներն ու գերակա ուղղությունները: Ներդրումային ծրագրում մատնանշված ֆինանսական հոսքերը պետք է ամրագրված լինեն բանկային երաշխավորագրերով: Վաղարշապատի ֆուտբոլի ակադեմիայի հողատարածքի և առկա ենթակառուցվածքների վերաբերյալ մանրամասն տեղեկատվությունը մրցույթի մասնակիցներին կտրամադրվի՝ ըստ պահանջի:

Ներդրումային ծրագրերի ներկայացման վերջնաժամկետն է 2019 թ. հունվարի 24-ը՝ ժամը 18:00: Ներդրումային ծրագրերը կարող եք ուղարկել [email protected] էլեկտրոնային հասցեով կամ առձեռն ներկայացնել ՀՖՖ Գլխավոր քարտուղարի գրասենյակ: Լրացուցիչ հարցերի դեպքում ևս կարող եք կապ հաստատել մեզ հետ՝ ուղարկելով նամակ [email protected] էլեկտրոնային հասցեին»,- գրված է ՀՖՖ-ի հայտարարությունում:

Հիշեցնենք, որ վերջին ամիսներին Վաղարշապատի ակադեմիան տնօրինում էր «Երևան» ակումբը, սակայն ՀՖՖ-ի փոխնախագահ Արմեն Մելիքբեկյանը հայտարարեց, որ ֆեդերացիայի նախորդ ղեկավարներն իրավունք չէին ունեցել այն հանձնել այդ ակումբին:

ArmFootball.com


Soccerway.com

Հարցում
Քվեարկել են (0)  |  Այլ հարցում
Ամենաընթերցվածը

ամիս

շաբաթ

օր

Բոլոր իրավունքները պաշտպանված են: © ArmFootball.com 2019
Մեջբերումներ անելիս հղումը «ArmFootball.com»-ին պարտադիր է:
Գովազդատուներին 055 516 000